Інструкцыя па апісанні сэрвісаў партала www.Corpus.by:
- Пачынаць апісанне сэрвісу трэба з невялікага сказа, які раскрывае яго сутнасць і прызначэнне.
- У першым сказе павінна прысутнічаць назва сэрвісу і ўбудаваная спасылка на старонку сэрвісу.
- У апісанні павінен быць размешчаны скрыншот асноўнага акна сэрвісу.
- У апісанні сэрвісу павінны быць прыведзены ўсе яго функцыянальныя магчымасці.
- Функцыі сэрвісу павінны быць апісаны згодна з пэўным парадкам паасобку альбо групамі – усё залежыць ад прызначэння сэрвісу і асаблівасцяў яго функцый.
- Кожная апісаная функцыя павінна быць праілюстравана адпаведным скрыншотам, на якім будзе бачны прыклад яе выкарыстання і атрыманы вынік.
- Апісанне сэрвісу мусіць заканчвацца спасылкай, па якой можна перайсці на старонку самаго сэрвісу.
Заўвага: дзеля лепшага разумення сутнасці сэрвісу, яго прызначэння і прынцыпаў працы перад пачаткам стварэння артыкула рэкамендуецца пагутарыць з распрацоўшчыкамі (рэкамендуецца, але не абавязкова).
Прыклады добра апісаных сэрвісаў: Інфармацыя аб сімвалах, Праверка правапісу.