Сэрвіс «Дыялекталагічныя карты» ў інтэрактыўным фармаце прапануе карыстальніку інфармацыю пра дыялекталагічнае вымаўленне некаторых слоў у розных населеных пунктах Беларусі.
Практычная каштоўнасць
Вэб-сэрвіс «Дыялекталагічныя карты» — праграмны прадукт, які ўяўляе сабой набор інтэрактыўных лінгвістычных карт па беларускай дыялектнай фанетыцы. Ва ўмовах значнага павышэння ролі інтэрнэт-рэсурсаў як у паўсядзённым жыцці, так і ў навучальным ды навуковым працэсах выніковы праграмны прадукт быў распрацаваны ў форме інтэрнэт-сэрвіса. Гэта робіць яго даступным шырокаму колу людзей, зацікаўленых у дадзенай навуковай вобласці, а таксама пашырае магчымасці выкарыстання вынікаў даследавання ў навучальным працэсе. Выніковы прадукт можа выклікаць інтарэс, як у асяродку навукоўцаў-лінгвістаў, так і сярод выкладчыкаў і навучэнцаў вышэйшых і сярэдніх навучальных устаноў, а таксама ў праграмістаў і спецыялістаў тэхнічнага профілю пры стварэнні новых праграмных прадуктаў для інфармацыйных сістэм, звязаных з машыннай апрацоўкай лінгвістычнага матэрыялу.
Алгарытм працы сэрвіса
Асноўны алгарытм
Уваходныя дадзеныя алгарытму:
- Выбранае карыстальнікам слова, Word;
- Уведзены карыстальнікам фрагмент транскрыпцыі для пошуку, Search.
Пачатак алгарытму.
Крок 1. Зачытка файла з дыялекталагічнай інфармацыяй пра слова Word, абранае карыстальнікам.
Крок 2. Зачытка файла з каардынатамі ўсіх мястэчак, дзе праводзілася даследаванне.
Крок 3. Ініцыялізацыя google-карты, нанясенне на яе маркераў паводле загружаных каардынат і дыялекталагічнай інфармацыі на кожны маркер.
Крок 4. Рэакцыя на дзеянне карыстальніка:
Крок 4.1. Калі карыстальнік націснуў на маркер, то вярнуць дыялекталагічную інфармацыю па абраным слове ў абраным пункце.
Крок 4.2. Калі карыстальнік увёў фрагмент транскрыпцыі для пошуку Search і націснуў кнопку «Шукаць», то вярнуць табліцу з населенымі пунктамі і адпаведнымі вымаўленнямі, дзе сустрэўся патрэбны фрагмент.
Канец алгарытму.
Апісанне інтэрфейсу карыстальніка
Знешні выгляд карыстальніцкага інтэрфейсу прадстаўлены на малюнку 1.
Малюнак 1 – Графічны інтэрфейс сэрвіса «Дыялекталагічныя карты»
Асноўны экран сэрвіса ўяўляе сабой google-карту, на якую адмысловымі маркерамі нанесены населеныя пункты Рэспублікі Беларусь, дзе праводзіліся даследаванні. Карыстальніку прадстаўляецца магчымасць выбраць са спісу, які размешчаны злева пад картай, адно з прапанаваных слоў. Пасля выбару слова карта аўтаматычна перагружаецца, становяцца даступнымі адпаведныя запыту даныя. Каб атрымаць інфармацыю пра вымаўленне абранага слова ў той ці іншай кропцы Беларусі, карыстальнік мусіць націснуць на маркер на карце адпаведны кропцы, якая яго цікавіць. Ва ўсплываючым акне будзе пададзена наступная інфармацыя:
- нумар населенага пункта ў межах дадзенага даследавання;
- назва населенага пункта са спасылкай на інфармацыю пра яго;
- месцазнаходжанне населенага пункта адносна адміністрацыйна-тэрытарыяльнага падзелу краіны;
- варыянт(ы) вымаўлення абранага слова ў форме транскрыпцыі.
Яшчэ адной функцыянальнай магчымасцю прататыпа з’яўляецца пошук асобных гукаў ці іх спалучэнняў ва ўсіх даследаваных кропках Беларусі па адным абраным слове. Гэтая функцыянальнасць размешчана адразу пад картай. Вынік пошуку выводзіцца ў адмысловай форме. Напрыклад, абраўшы са спісу слова «сцежка» і ўвёўшы ў поле пошуку спалучэнне гукаў «žk», карыстальнік атрымае адказ у наступным выглядзе:
Праграмны прататып быў рэалізаваны на мовах праграмавання php і javascript. Пры распрацоўцы прататыпу было выкарыстана API платформы Google Maps.
Карыстальніцкія сцэнарыі працы з сэрвісам
Сцэнарый 1. Пошук дыялектнага вымаўлення на карце
- Выбраць слова з выпадаючага спісу даследаваных слоў.
- Выбраць маркер на карце і націснуць на яго.
- Атрымаць вынік ва ўсплываючым полі.
Магчымы вынік працы сэрвіса згодна з дадзеным сцэнарыем прадстаўлены на малюнку 2.
Малюнак 2 – Вынік працы сэрвіса «Дыялекталагічныя карты» згодна са сцэнарыем 1
Сцэнарый 2. Пошук фанетычнай з’явы
- Выбраць слова з выпадаючага спісу даследаваных слоў.
- Увесці фрагмент транскрыпцыі ў поле справа ад выбранага слова.
- Націснуць кнопку «Шукаць!».
- Атрымаць вынік у полі выдачы вынікаў.
Магчымы вынік працы сэрвіса згодна з дадзеным сцэнарыем прадстаўлены на малюнку 3.
Малюнак 3 – Вынік працы сэрвіса «Дыялекталагічныя карты» згодна са сцэнарыем 2
Доступ да сэрвіса праз API
На дадзены момант доступ да сэрвіса праз API адсутнічае.
Спасылкі на крыніцы
Старонка сэрвіса – https://corpus.by/DialectologicalMaps/?lang=be