(Беларуская) MOST: Візіт ва ўніверсітэт Лібіха ў Гісэне


Sorry, this entry is only available in Беларуская. For the sake of viewer convenience, the content is shown below in the alternative language. You may click the link to switch the active language.

Пры падтрымцы праекта MOST супрацоўнікі лабараторыі сінтэзу і распазнавання маўлення Аб’яднанага інстытута праблем інфарматыкі НАН Беларусі ажыццявілі візіт на кафедру прыкладной і камп’ютарнай лінгвістыкі ўніверсітэта Юстуса Лібіха ў Гісэне (Германія). У склад беларускай дэлегацыі ўвайшлі загадчык лабараторыі Юрась Гецэвіч, малодшыя навуковыя супрацоўнікі Станіслаў Лысы, Ганна Станіславенка і Юлія Барадзіна. Падчас візіту яны прэзентавалі супрацоўнікам кафедры напрамкі і вынікі працы лабараторыі, пазнаёміліся з дзейнасцю ўніверсітэта Юстуса Лібіха, даведаліся пра апошнія праекты кафедры камп’ютарнай і прыкладной лінгвістыкі, а таксама правялі адкрытую лекцыю па тэме Reality of speech synthesis and recognition. Акрамя таго, некалькі дзён былі цалкам прысвечаны абмеркаванню і плянаванню агульнай працы ў межах праекта па стварэнні семантыка-сінтаксічнага парсера для беларускай мовы.

MOST – проект Европейского Союза по расширению профессиональных контактов между гражданами ЕС и Беларуси. Он позволит 1.500 участникам из Беларуси посетить ЕС. Проект реализуется Институтом им. Гёте в Минске и Британским Советом в Польше.

Першая сустрэча прадстаўнікоў лабараторыі з Наталляй Карлавай-Бурбонус, навуковым супрацоўнікам JLU, адбылася ў жніўні 2015 года ў Аб’яднаным інстытуце праблем інфарматыкі ў Мінску; такім чынам, сустрэча сёлета ў Германіі стала візітам у адказ, што дазволіла развіць і замацаваць навуковыя сувязі паміж АІПІ НАН Беларусі і ўніверсітэтам Юстуса Лібіха ў Германіі.
У вольны час для беларускай дэлегацыі была арганізаваная экскурсія па Франкфурту і наведванне музею папулярнай навукі Mathematikum.


Крыніца

Download (PDF, 94KB)