(Беларуская) СБ: Гід у кішэні


Sorry, this entry is only available in Беларуская and Russian. For the sake of viewer convenience, the content is shown below in this site default language. You may click one of the links to switch the site language to another available language.

СТВОРАНЫ МАБІЛЬНЫ АЎДЫЯГІД ПА БЕЛАРУСІ

Мабільнае прыстасаванне KrokApp – аўдыягід па гарадах Беларусі – створана ў лабараторыі распазнавання і сінтэзу маўлення Аб’яднанага інстытута інфарматыкі НАН Беларусі. Бо колькасць самастойных падарожнікаў, як і карыстальнікаў мабільных праграм, стала павялічваецца. А новая распрацоўка, ужо даступная для бясплатнай спампоўкі ў Google Play Market, распавядзе турыстам пра славутасці краіны на беларускай, рускай і англійскай мовах, дапаможа ў шопінгу, пры выбары кавярні або рэстарана.

DSC_0020

– Наш праект адукацыйны, забаўляльны і навуковы. Па сутнасці, мы робім платформу, дзе можна размяшчаць тэматычныя гукавыя, фота-, відэафайлы, а таксама тэкставыя файлы, якія загучаць пры дапамозе нашай сістэмы сінтэзу гаворкі. Пакуль аўдыягід ахоплівае тры гарады – Мінск, Гродна, Брэст, але ў бліжэйшыя месяцы да іх дададуцца Віцебск, Магілёў, Гомель. А ў перспектыве KrokApp папоўніцца новымі кропкамі, іх будзе па дзве-тры ў кожнай вобласці, – дзеліцца планамі загадчык лабараторыі, кандыдат тэхнічных навук Юрый Гецэвіч.

a28c06958b5e8510fe40c4153c3630c9

Так выглядае адна са старонак мабільнага прыстасавання KrokApp

Ідэя зрабіць KrokApp нарадзілася пасля аналізу рынку, які паказаў: падобнага сэрвісу для беларускіх гарадоў няма, аўдыягід можна сустрэць толькі ў некаторых музеях. Прыстасаванне выклікала цікавасць у карыстальнікаў ужо на этапе стартапа – з Play Market яго спампавалі больш за 300 чалавек з Беларусі, Расіі, Украіны, Германіі. Пакуль яно толькі распавядае пра аб’екты, але пасля прывязкі да мапы і GPS-навігацыі стане і пракладаць да іх маршрут – праца над гэтым ужо ідзе. Англійская версія праграмы будзе не толькі карысная замежным гасцям, але спатрэбіцца і беларусам, якія вывучаюць замежную мову. А беларускі і рускі варыянты дапамогуць нам лепш даведацца пра сваю гісторыю і культуру. Пакуль прыкладанне даступна толькі для карыстальнікаў, чый тэлефон працуе на платформе Android, але хутка будзе адаптавана для Windows.

Крыніца: http://www.sb.by/turizm-2/article/gid-v-karmane-27-07-2016.html

Download (PDF, Unknown)