Праверка правапісу “ў”


Адным з важных момантаў у сінтэзаванні маўлення з’яўляецца тое, што ўваходны тэкст мусіць не мець арфаграфічных памылак. Іначай, відавочна, вынікам працы СМТ будзе некарэктны гукавы тэкст, які рэжа слых.

Сэрвіс Праверка правапісу “ў” распрацаваны для хуткай праверкі вялікіх электронных тэкстаў на беларускай мове з мэтай пошуку і выпраўлення адной з найбольш распаўсюджаных памылак – памылкі ў напісанні літар “у” і “ў”.

На ўваход сэрвіса падаецца тэкст на беларускай мове ў звычайным выглядзе. Калі карыстальнік націсне кнопку “Праверыць!”, сэрвіс абазначыць магчымыя памылкі двух тыпаў: па-першае, калі літара “у” напісана ў пазіцыі, дзе верагодна павінна быць літара “ў”; па-другое, у адваротным выпадку, калі напісана літара “ў”, дзе верагодна павінна быць літара “у”.

У працэсе пошуку магчымых памылак сэрвіс ня толькі вызначае, галосная ці зычная літара знаходзіцца перад “у”, але таксама аналізуе сімвалы, якія не з’яўляюцца літарамі, у выпадку, калі літара “у” знаходзіцца ў пачатку слова. Гэтыя сімвалы могуць мець непасрэдны ўплыў на напісанне слова. На сённяшні дзень сэрвіс правярае напісанне без уліку выключэнняў. Дадаць разгляд выключэнняў у сэрвісе плануецца.

Старонка сэрвісу – http://corpus.by/ShortUSpellChecker/?lang=be

Калі Вы знайшлі ў тэксце памылку правапісу, калі ласка, выдзеліце гэты тэкст і націсніце Ctrl+Enter.