Генератар спасылак на публікацыі


Стварэнне бібліяграфічных спасылак — неад’емная частка навуковай працы. Каб спрасціць гэтую задачу для карыстальнікаў, быў створаны сэрвіс «Генератар спасылак на публікацыі». Дадзены сэрвіс распрацаваны для аўтаматычнай генерацыі спасылак. Зайшоўшы на старонку сэрвісу, карыстальніку неабходна пазначыць фармат спасылкі, тып крыніцы (кніга, артыкул часопісу, канферэнцыя, вэб-сайт) і мову афармлення публікацыі (беларуская, руская ці англійская) (малюнкі 1, 2).

image002Малюнак 1 – Пазначэнне фармату і тыпу публікацыі

image004Малюнак 2 – Пазначэнне мовы публікацыі

Наступным крокам з’яўляецца ўвод даных карыстальнікам (малюнкі 3, 4). Абавязковыя для запаўнення палі пазначаны чырвонай зорачкай (*). Таксама прадугледжана магчымасць прагляду прыкладаў запаўнення, для чаго неабходна націснуць на кнопку “Ачысціць усё і паказаць прыклады” (малюнак 3).

image006 Малюнак 3 – Запаўненне даных пра аўтараў публікацыі

image008 Малюнак 4 – Запаўненне астатніх даных пра публікацыю

Па заканчэнні запаўнення формы неабходна націснуць на кнопку “Атрымаць спасылку на публікацыю”. Вынік з’явіцца ў асобным полі ніжэй (малюнак 5).

image010 Малюнак 5 – Згенераваная спасылка на публікацыю

На дадзены момант для карыстальнікаў даступны толькі ВАК-фармат публікацый. Плануецца пашырыць магчымасці сэрвісу праз павелічэнне колькасці тыпаў спасылак і далучэнне наступных фарматаў: Chicago, MLA, APA. 

Праца з генератарам бібліяграфічных спасылак дазволіла даведацца больш дакладна пра іх змест і структуру, што з’яўляецца добрай асновай для распрацоўкі сістэмы распазнавання спасылак у тэкстах беларускай і рускай моў. Інфармацыя, якую можна атрымаць з бібліяграфічных спасылак пры распазнаванні, можа быць карыснай для бібліятэк, выдавецтваў ці навуковых устаноў, бо яна змяшчае звесткі пра аўтараў і рэдактараў, назвы публікацый, назву і месца выдавецтва, год выдання і г.д.

 

Доступ да сэрвіса праз API

Для доступу да сэрвіса “Генератар спасылак на публікацыі” праз API, неабходна адправіць AJAX-запыт тыпу POST на адрас https://corpus.by/PublicationReferenceGenerator/api.php. Праз масіў параметраў data перадаецца шэраг параметраў, апісаных ніжэй.

Параметры, агульныя для ўсіх даступных тыпаў публікацый:

  • publication_format — фармат спасылкі на публікацыю:
    • vak — фармат «ВАК»;
    • extended — фармат «пашыраны (на аснове ВАК)»;
    • chicago — фармат «chicago».
  • publication_type — тып публікацыі:
    • journal — артыкул часопісу;
    • conference — матэрыялы канферэнцыі;
    • book — кніга;
    • electronic_resource — электронны рэсурс.
  • publication_language — мова афармлення публікацыі:
    • bel — беларуская мова;
    • rus — руская мова;
    • eng — англійская мова.
  • firstname1, …, firstname10 — імя або ініцыялы суаўтараў.
  • lastname1, …, lastname10 — прозвішчы суаўтараў.
  • year — год публікацыі.

Параметры для артыкулаў у часопісе:

  • title — назва артыкула.
  • czasopis_title — назва часопісу.
  • pages_from — нумар старонкі, з якой пачынаецца артыкул.
  • pages_to — нумар старонкі, на якой заканчваецца артыкул.
  • number_edition — № часопісу.

Параметры для матэрыялаў канферэнцый:

  • title — назва публікацыі.
  • pages_from — нумар старонкі, з якой пачынаецца публікацыя.
  • pages_to — нумар старонкі, на якой заканчваецца публікацыя.
  • conference_title — назва канферэнцыі.
  • city — горад правядзення канферэнцыі.
  • place — месца правядзення канферэнцыі.
  • redactor — паясненне пра складальнікаў (напр. «пад навук. рэд. В.П. Русак»).
  • publish_house — выдавецтва.

Параметры для кніг:

  • book_title — назва кнігі.
  • city — горад.
  • redactor — паясненне пра складальнікаў (напр. «пад навук. рэд. В.П. Русак»).
  • publish_house — выдавецтва.
  • volume_of_book — колькасць старонак у кнізе.

Параметры для электронных рэсурсаў:

  • title — назва публікацыі.
  • website_title — назва сайта.
  • type_electronic_resource — паясненне да параметра website_title.
    • “Электронны рэсурс”;
    • “Электронный ресурс”;
    • “Electronic resource”.
  • date_of_access — дата доступу да электроннага рэсурса.
  • type_date_of_access — паясненне да параметра date_of_access:
    • “Дата доступу”;
    • “Дата доступа”;
    • “Date of access”.
  • url — электронны адрас.
  • type_mode_of_access — паясненне да параметра url.
    • “Рэжым доступу”;
    • “Режим доступа”;
    • “Mode of access”.

Прыклад AJAX-запыту:

$.ajax({
   type: “POST”,
   url: “https://corpus.by/PublicationReferenceGenerator/api.php”,
   data:{
      “publication_format”: “vak”,
      “publication_type”: “conference”,
      “publication_language”: “bel”,
      “firstname1”: “Ю.С.”,
      “lastname1”: “Гецэвіч”,
      “firstname2”: “A.В.”,
      “lastname2”: “Гюнтар”,
      “firstname3”: “С.І.”,
      “lastname3”: “Лысы”,
      “firstname4”: “В.П.”,
      “lastname4”: “Русак”,
      “firstname5”: “В.А.”,
      “lastname5”: “Мандзік”,
      “title”: “Стварэнне сэрвіса арфаэпічнага генератара слоўнікаў”,
      “conference_title”: “Тези доповідей міжнародної конференції «Діалекти в синхронії та діахронії : загальнослов’янський контекст» (Київ, 2–4 квітня 2014 року)”,
      “pages_from”: “101”,
      “pages_to”: “106”,
      “year”: “2014”,
      “city”: “Київ”,
      “place”: “Ін-т укр. мови НАН України”,
      “publish_house”: “КММ”,
      “redactor”: “За ред. П.Ю. Гриценка”
   },
   success: function(msg){ },
   error: function() { }
});

Сервер верне JSON-масіў з адным параметрам — параметр reference — які змяшчае выніковую згенераваную спасылку. Напрыклад, па вышэй прыведзеным AJAX-запыце будзе сфарміраваны наступны адказ:

[
   {
      “reference”: “Гецэвіч, Ю.С. Стварэнне сэрвіса арфаэпічнага генератара слоўнікаў / Ю.С. Гецэвіч, A.В. Гюнтар, С.І. Лысы [і інш.] // Тези доповідей міжнародної конференції «Діалекти в синхронії та діахронії : загальнослов’янський контекст» (Київ, 2–4 квітня 2014 року) / За ред. П.Ю. Гриценка. — Київ : КММ, 2014. — C. 101-106.”
   }
]

 

Падобныя сэрвісы для аўтаматычнай генерацыі спасылак (Citation Machine): Son of Citation Machine, bibme, MakeCitation.

Старонка сэрвісу — https://corpus.by/PublicationReferenceGenerator/?lang=be

Перакрыжаваныя спасылкі

  1. Гецэвіч, Ю.С. Камп’ютарна-лінгвістычныя сэрвісы www.corpus.by для аўтаматычнай апрацоўкі тэкстаў / Я.С. Качан, С.І. Лысы, Ю.С. Гецэвіч, Г.Р. Станіславенка, А.В. Гюнтар // Нацыянальна-культурны кампанент у літаратурнай і дыялектнай мове : зб. навук. арт. / Брэсц. дзярж. ун-т імя А. С. Пушкіна ; рэдкал.: С. Ф. Бут-Гусаім [і інш.]. – Брэст : БрДУ, 2016. — C. 93-104.
  2. Dzenisiuk, D. Processing of Publication References in Belarusian and Russian Electronic Texts / D. Dzenisiuk, Yu. Hetsevich // International Scientific Conference on the Automatic Processing of Natural-Language Electronic Texts “NooJ’2015” : Abstracts (11–13 June, 2015, Minsk, Belarus) / ed. B.M. Lobanov, Yu.S.Hetsevich. — Minsk : UIIP NASB, 2015. — P. 20.

If you have found a spelling error, please, notify us by selecting that text and pressing Ctrl+Enter.