Извините, этот техт доступен только в “Беларуская” и “Американский Английский”. For the sake of viewer convenience, the content is shown below in this site default language. You may click one of the links to switch the site language to another available language.
Извините, этот техт доступен только в “Беларуская”. For the sake of viewer convenience, the content is shown below in the alternative language. You may click the link to switch the active language.
“Камп’ютарная сістэма, распрацаваная нашымі вучонымі, прызначана для паглыбленага навучання інтанацыі вуснай мовы. Цяпер з яе дапамогай можна вывучаць асаблівасці вымаўлення ў рускай, кітайскай, нямецкай, а таксама ў брытанскай і амерыканскай англійскай мовах. Гэты спіс будзе папаўняцца за кошт стварэння адпаведных акустычных баз даных. Неўзабаве ў яго дададуць беларускую мову. Карэспандэнт «Р» даведалася падрабязнасці.
…
— Навучанне заснавана на параўнанні эталонных узораў інтанацыйных фраз з інтанацыяй выразаў, якія вымаўляе навучэнец, — сцісла тлумачыць сутнасць праграмы галоўны навуковы супрацоўнік Лабараторыі распазнавання і сінтэзу мовы Аб’яднанага інстытуту праблем інфарматыкі Нацыянальнай акадэміі навук Барыс Лабанаў, адкрываючы яе на ноўтбуку, каб было лягчэй разабрацца ў асноўных прынцыпах працы.
Пачынаем знаёмства з праграмай з яе версіі для тых, хто вывучае рускую мову. У ёй існуе сем асноўных інтанацыйных канструкцый. Яны адрозніваюць сэнс агучаных сказаў у залежнасці ад характару руху тону на ўдарным і прылеглых да яго складах. Вучоныя прапанавалі ацэньваць інтанацыю з дапамогай універсальнага меладычнага партрэта.
— Для стварэння праграмы мы выкарысталі даныя медыйных падручнікаў з прыкладамі гучання розных інтанацыйных сітуацый. Акустычная база даных уключае набор стандартных сказаў, які пакрывае ўсю разнастайнасць інтанацыйных эталонаў і іх варыяцый.
…
— Большасць студэнтаў вывучаюць толькі вымаўленне асобных слоў. Аднак вялікую ролю адыгрывае тое, з якой інтанацыяй іх вымаўляць у сказе, — Барыс Лабанаў указвае на распаўсюджаную памылку тых, хто вывучае замежныя мовы. — Іншамоўны акцэнт моцна выяўляецца ў інтанацыі, таму надавайце ёй асаблівую ўвагу. Інакш пра вас можа скласціся няправільнае ўражанне. Для вуха амерыканца рускамоўныя на англійскай мове часцяком гучаць недружалюбна. Адна з прычын гэтага — плоскі тон. Многія элементарна выкарыстоўваюць няправільную інтанацыю, гавораць роўна і манатонна.”
gorbatenko@sb.by