(Беларуская) Упарадкаванне па алфавіце


Извините, этот техт доступен только в “Беларуская” и “Американский Английский”. For the sake of viewer convenience, the content is shown below in this site default language. You may click one of the links to switch the site language to another available language.

Сэрвіс «Упарадкаванне па алфавіце» прызначаны для атрымання тэкставых радкоў у алфавітным парадку. На ўваход сэрвісу падаецца адвольны тэкст альбо паслядоўнасць сімвалаў, у якім 1 радок = 1 адзінка для ўпарадкавання па алфавіце, і сэрвіс прывядзе ўваходны тэкст у алфавітны парадак па радках. Таксама ён дазволіць расставіць сімвалы паводле прыярытэту пры сартыроўцы альбо абраць алфавіт.

 

Асаблівасці сэрвісу

Можа быць прыменены карыстальніцкі алфавіт: калі карыстальнік увядзе адвольны алфавіт, сэрвіс упарадкуе тэкст у адпаведнасці з ім. Таксама можна прымяніць алфавіты, ужо прапанаваныя сэрвісам (на дадзены момант налічваюцца алфавіты 87 моў). Каб абраць прапанаваны алфавіт, трэба націснуць “Абраць алфавіт са спісу”.

 

Практычная каштоўнасць

Сэрвіс дапаможа ў вырашэнні канкрэтных задач, звязаных з упарадкаваннем па алфавіце. Напрыклад, упарадкаванне спісу літаратуры, які звычайна змяшчаецца ў канцы навуковай працы.

 

Апісанне інтэрфейсу карыстальніка

Знешні інтэрфейс сэрвісу прадстаўлены на малюнку 1.

uparadkavannie-pa-alfavicie_be_01

Малюнак 1. Знешні інтэрфейс сэрвісу «Упарадкаванне па алфавіце»

Інтэрфейс змяшчае наступныя вобласці:

  • поле ўводу тэксту;
  • вобласць выбару і рэдагавання алфавіта;
  • вобласць выбару дадатковых магчымасцяў упарадкавання:
    • «Адчувальны да рэгістру» — выводзіць асобна словы, аднолькавыя па напісаных сімвалах, але розныя па рэгістры («Вадарод» і «вАдАрОД»), аддаючы перавагу прапісному сімвалу;
    • «Выдаляць дублі» — прыбірае з выніковага спісу паўтарэнні (калі слова «Бор» сустракаецца ва ўваходным тэксце больш за 1 раз, то ў выніковым спісе яно будзе згадана толькі 1 раз);
    • «Упарадкаванне з улікам чытання справа-налева (адваротны слоўнік)» — упарадкоўвае па алфавіце, пачынаючы з апошніх літар слова;
    • «Выроўніванне па правым боку» — выроўнівае выніковы спіс па правым боку, што збольшага актуальна для адваротнага слоўніка;
  • кнопка «Упарадкаваць па алфавіце!», якая запускае упарадкаванне і дае магчымасць атрымаць выніковы ўпарадкаваны тэкст.

 

Карыстальніцкія сцэнары працы з сэрвісам

Сцэнар 1. Упарадкаванне па алфавіце па левым боку

  1. Увесці тэкст у поле ўводу.
  2. Спраўдзіць алфавіт, прапанаваны па змаўчанні, або абраць алфавіт патрэбнай мовы, націснуўшы «Абраць алфавіт са спісу».
  3. У вобласці выбару дадатковых магчымасцяў па жаданні паставіць гачак насупраць «Адчувальны да рэгістру», «Выдаляць дублі».
  4. Націснуць «Упарадкаваць па алфавіце!» для атрымання ўпарадкаванага тэксту (малюнак 2).

alphabetizer02

Малюнак 2. Вынікі упарадкавання па алфавіце па левым боку

 

Сцэнар 2. Упарадкаванне па алфавіце з улікам чытання справа-налева

  1. Увесці тэкст у поле ўводу.
  2. Спраўдзіць алфавіт, прапанаваны па змаўчанні, або абраць алфавіт патрэбнай мовы, націснуўшы «Абраць алфавіт са спісу».
  3. У вобласці выбару дадатковых магчымасцяў паставіць гачак насупраць «Упарадкаванне з улікам чытання справа-налева (адваротны слоўнік)», «Выроўніванне па правым боку».
  4. Па жаданні паставіць гачак насупраць «Адчувальны да рэгістру», «Выдаляць дублі».
  5. Націснуць «Упарадкаваць па алфавіце!» для атрымання ўпарадкаванага тэксту (малюнак 3).

alphabetizer03

Малюнак 3. Вынікі ўпарадкавання па алфавіце з улікам чытання справа-налева

 

Доступ да сэрвіса праз API

Для доступу да сэрвіса “Упарадкаванне па алфавіце” праз API, неабходна адправіць AJAX-запыт тыпу POST на адрас https://corpus.by/Alphabetizer/api.php. Праз масіў data перадаюцца наступныя параметры:

  • text — адвольны ўваходны тэкст.
  • ignoreCharacters — сімвалы, якія будуць ігнаравацца пры ўпарадкаванні.
  • entryDivider — раздзяляльнік, паводле якога выдзяляюцца запісы, якія неабходна ўпарадкаваць.
    • newline — перавод радка.
    • space — прабел.
    • comma — коска.
  • alphabet — назва алфавіту. Напрыклад, Belarusian, English, Greek і г.д.
  • custom — уласны алфавіт карыстальніка (пры неабходнасці).
  • sorting — напрамак упарадкавання.
    • a-z — ад меншага да большага.
    • z-a — ад большага да меншага.
  • caseSensitive — маркер неабходнасці ўлічвання рэгістру сімвалаў пры ўпарадкаванні па алфавіце.
  • removeDuplicates — маркер неабходнасці выдалення дублікатаў са спісу пры ўпарадкаванні.
  • reverseDictionary — маркер неабходнасці ўпарадкавання з улікам чытання справа-налева (па прынцыпе пабудовы адваротнага слоўніка).
  • alignRight — маркер неабходнасці выраўнівання выніковага спісу па правым боку.

Прыклад AJAX-запыту:

$.ajax({
   type: “POST”,
   url: “https://corpus.by/Alphabetizer/api.php”,
   data:{
      “text”: “Радок з вялікай літары.
радок з маленькай літары.
Радок, які паўтараецца.
Радок, які паўтараецца.”,
      “ignoreCharacters”: “‘ʼ’‘′-̀́””,
      “entryDivider”: “newline”,
      “alphabet”: “Belarusian”,
      “custom”: “”,
      “caseSensitive”: 1,
      “removeDuplicates”: 1,
      “reverseDictionary”: 0,
      “alignRight”: 0
   },
   success: function(msg){ },
   error: function() { }
});

Сервер верне JSON-масіў з уваходным тэкстам (параметр text) і выніковым спісам упарадкаваных слоў (параметр result). Напрыклад, па вышэй прыведзеным AJAX-запыце будзе сфарміраваны наступны адказ:

[
   {
      “text”: “Радок з вялікай літары.
радок з маленькай літары.
Радок, які паўтараецца.
Радок, які паўтараецца.”,
      “result”: “<p>Радок з вялікай літары.<br>Радок, які паўтараецца.<br>радок з маленькай літары.</p>”
   }
]

 

Спасылкі на крыніцы

Старонка сэрвісу: https://corpus.by/Alphabetizer/?lang=be

Если вы нашли ошибку, пожалуйста, выделите фрагмент текста и нажмите Ctrl+Enter.