Извините, этот техт доступен только в “Беларуская” и “Американский Английский”. For the sake of viewer convenience, the content is shown below in this site default language. You may click one of the links to switch the site language to another available language.

“Дэманстрацыйны сэрвіс” з’яўляецца гатовым задзелам з адкрытым зыходным кодам для стварэння будучых сэрвісаў інтэрнэт-платформы для апрацоўкі тэксту і маўлення www.corpus.by. Таксама сэрвіс дэманструе магчымы прынцып працы будучых сэрвісаў, створаных на яго аснове. На ўваход дэманстрацыйнаму сэрвісу падаецца электронны тэкст, карыстальнік абірае любыя чэкбоксы, кнопку і опцыю, і пасля націскання кнопкі “Паказаць уведзены тэкст і абраныя наладкі” сэрвіс выводзіць фактычную інфармацыю аб тым, які тэкст быў уведзены і якія наладкі абраныя.

Асноўныя тэрміны і паняцці

Адкрытае праграмнае забеспячэнне (англ. open-source software) – праграмнае забеспячэнне з адкрытым зыходным кодам. Зыходны код такіх праграм даступны для прагляду, вывучэння і ўнясення змен, што дазваляе карыстальніку прымаць удзел у дапрацоўцы самой адкрытай праграмы, выкарыстоўваць код для стварэння новых праграм і выпраўлення ў іх памылак праз запазычанне зыходнага коду, калі гэта дазваляе сумяшчальнасць ліцэнзій, альбо праз вывучэнне выкарыстаных алгарытмаў, структур дадзеных, тэхналогій, методык і інтэрфейсаў (паколькі зыходны код можа сутнасна дапаўняць дакументацыю, а пры яе адсутнасці сам з’яўляецца дакументацыяй).

Адкрыты зыходны код (англ. open-source) – зыходны код, даступны для прагляду і ўнясення змен. Яго наяўнасць дазваляе выкарыстоўваць ужо створаны код для стварэння новых версій праграмы, для выпраўлення памылак і дапамогі ў дапрацоўцы адкрытай праграмы.

Закрыты зыходны код праграмы азначае, што распаўсюджваюцца толькі скампіляваныя версіі праграмы і ліцэнзія прадугледжвае адсутнасць доступу да зыходнага кода праграмы, што абцяжарвае стварэнне мадыфікацый праграмы. Доступ да зыходнага кода трэцім асобам звычайна падаецца пры падпісанні пагаднення аб невыдаванні.

Зыходны код – тэкст камп’ютарнай праграмы на якой-небудзь мове праграмавання або мове разметкі, які можа быць прачытаны чалавекам.

Практычная каштоўнасць

Дадзены сэрвіс пакліканы палегчыць распрацоўку будучых сэрвісаў платформы www.corpus.by, а менавіта – адкрыты зыходны код сэрвісу з’яўляецца гатовым задзелам-асновай для распрацоўкі новых сэрвісаў. Наяўнасць адкрытага зыходнага коду таксама спрашчае камунікацыі з распрацоўшчыкамі, паколькі з’яўляецца простай і канкрэтнай прапановай для далейшага супрацоўніцтва.

Таксама дэманстрацыя самога прынцыпу працы сэрвісаў дае магчымасць кожнаму карыстальніку даведацца больш аб працы платформы www.corpus.by і лепш зразумець агульныя прынцыпы пабудовы асобных сэрвісаў.

Апісанне інтэрфейсу карыстальніка

Графічны інтэрфейс сэрвісу прадстаўлены на малюнку 1.

Малюнак 1. Графічны інтэрфейс сэрвісу “Дэманстрацыйны сэрвіс”

Інтэрфейс змяшчае наступныя вобласці:

• вобласць уводу тэксту;
• выбар чэкбокса;
• выбар кнопкі-пераключальніка;
• выбар опцыі;
• спасылку на адкрыты зыходны код.

Карыстальніцкія сцэнары працы з сэрвісам

Сцэнар 1. Прагляд магчымага прынцыпу працы будучага сэрвісу

1. Увесці ў поле ўводу электронны тэкст.
2. Абраць любую колькасць чэкбоксаў альбо не абіраць ніякі.
3. Абраць адну (любую) з кнопак-пераключальнікаў.
4. Абраць адну (любую) з опцый.
5. Націснуць “Паказаць уведзены тэкст і абраныя наладкі” і праглядзець вынік (малюнак 2).

Малюнак 2. Вынікі дэманстрацыі магчымага прынцыпу працы будучага сэрвісу

Сцэнар 2. Азнаямленне і праца з адкрытым зыходным кодам

1. Націснуць спасылку на адкрыты зыходны код, якая размяшчаецца ўнізе старонкі сэрвісу. Пачнецца спампоўка zip-архіва пад назвай “corpusby_2019-08-05.zip”.
2. Адкрыць спампаваны архіў, азнаёміцца са змешчанымі ў ім файламі (малюнкі 3, 4).
3. Пачаць распрацоўку новага сэрвісу на аснове зыходнага коду.

Малюнак 3. Змест zip-архіву “corpus1by_2017-02-07.zip”

Малюнак 4. Змест тэчкі “ServiceDemonstrator” zip-архіву “corpus1by_2017-02-07.zip”

Доступ да сэрвіса праз API

Для доступу да “Дэманстрацыйнага сэрвіса” праз API, неабходна адправіць AJAX-запыт тыпу POST на адрас https://corpus.by/ServiceDemonstrator/api.php. Праз масіў data перадаюцца наступныя параметры:

• text — адвольны ўваходны тэкст.
• checkbox1, checkbox2, checkbox3 — маркеры актыўнасці чэкбоксаў; прымаюць значэнні “0” і “1”.
• mode — маркер актыўнай радыёкнопкі; прымае значэнні “radiobutton1”, “radiobutton2”, “radiobutton3”.
• selector — маркер абранага пункта ў выпадаючым меню; прымае значэнні “option1”, “option2”, “option3”.

Прыклад AJAX-запыту:

$.ajax({
   type: “POST”,
   url: “https://corpus.by/ServiceDemonstrator/api.php”,
   data:{
      “text”: “Груша цвіла апошні год.”,
      “checkbox1”: 0,
      “checkbox2”: 1,
      “checkbox3”: 1,
      “mode”: “radiobutton2“,
      “selector”: “option1“
   },
   success: function(msg){ },
   error: function() { }
});

Сервер верне JSON-масіў з уваходным тэкстам (параметр text) і вынікам (параметр result). Напрыклад, па вышэй прыведзеным AJAX-запыце будзе сфарміраваны наступны адказ:

[
   {
      “text”: “Груша цвіла апошні год.”,
      “result”: “<b>Карыстальнік увёў наступны тэкст:</b><br>
Груша цвіла апошні год.<br><br>
<b>Карыстальнік абраў наступныя наладкі:</b><br>

чэкбокс #2 — Карыстальнік абраў чэкбокс #2<br>
чэкбокс #3 — Карыстальнік абраў чэкбокс #3<br>
кнопка-пераключальнік #2 — Карыстальнік абраў кнопка-пераключальнік #2<br>
опцыя #1 — Карыстальнік абраў опцыя #1<br>“
   }
]

Спасылкі на крыніцы

Старонка сэрвісу: https://corpus.by/ServiceDemonstrator/?lang=be