(Беларуская) Абрэзка выяў


Sorry, this entry is only available in Беларуская. For the sake of viewer convenience, the content is shown below in the alternative language. You may click the link to switch the active language.

Сэрвіс Абрэзка выяў прызначаны для хуткага і простага кадравання выявы ў прамавугольны або круглы фармат. На ўваход сэрвісу падаецца выява ці некалькі выяў у фармаце .jpg ці .png, пасля апрацоўкі на выхадзе карыстальнік атрымлівае магчымасць спампаваць уваходную выяву ў выглядзе прамавугольніка памерам 800х533 і круга дыяметрам 100 пікселяў у фармаце .png.

 

Асноўныя тэрміны і паняцці

Кадрыраванне – выбар межаў і памеру фатаграфічнай выявы. Выкарыстоўваецца для атрымання больш гарманічнага малюнка.

 

Практычная каштоўнасць

Сэрвіс быў створаны галоўным чынам для спрашчэння папаўнення фотакантэнтам мабільнай праграмы KrokApp – аўдыягіда па гарадах Беларусі [1]. Сэрвіс дазваляе без дапамогі складаных графічных рэдактараў у тры клікі атрымаць выявы ў фармаце, патрэбным для размяшчэння сярод фотакантэнту праграмы KrokApp. У прыватнасці, выява славутасці ў праграме павінна мець памер 800х533, а яе перадпрагляднае фота на старонцы выбару кропак – круга з дыяметрам 100 пікселяў у фармаце .png.

Пры ўмове далейшай распрацоўкі і паляпшэння у сэрвіс могуць быць дададзеныя магчымасці выбару вобласці і памеру для кругавой і прамавугольнай абрэзкі, што зробіць яго цікавым больш шырокаму колу карыстальнікаў.

 

Асаблівасці сэрвісу

На цяперашні момант сэрвіс прапаноўвае наступныя выходныя памеры выяў:

  • магчымасць праглядзець зыходную выяву;
  • прамавугольнік памерам 800х533;
  • круг дыяметрам 100 пікселяў у фармаце .png.

 

Апісанне інтэрфейсу

Графічны інтэрфейс сэрвісу прадстаўлены на малюнку 1.

Малюнак 1 – Графічны інтэрфейс сэрвісу “Абрэзка выяў”

Інтэрфейс змяшчае наступныя вобласці:

  • вобласць загрузкі адной ці некалькіх выяў – кнопка “Агляд…” (мова на кнопцы залежыць ад мовы, абранай у браўзеры);
  • кнопку “Абрэзаць”, якая запускае апрацоўку і дае магчымасць атрымаць вынікі.

 

Карыстальніцкі сцэнар працы з сэрвісам

  1. Націснуць кнопку “Агляд…”
  2. У дыялогавым акне за 1 раз выбраць адзін ці некалькі файлаў выяў для абрэзкі, націснуць “Адкрыць”.
  3. Націснуць кнопку “Абрэзаць” для апрацоўкі выяў (малюнак 2).
  4. Націснуць спасылкі “800х533” і “circle” для прагляду выніковых файлаў.
  5. Націснуць спасылкі “download” для спампоўкі выніковых файлаў.

Малюнак 2 – Вынік працы сэрвісу “Абрэзка выяў”

Выходныя файлы выяў спампоўваюцца з тымі самымі назвамі, што былі на ўваходзе.

 

Спасылкі на крыніцы

Старонка сэрвісу: https://ssrlab.grid.by/ImageCropper/?lang=be

 

Перакрыжаваныя спасылкі:

  1. Прэзентацыйныя матэрыялы пра мабільную праграму-аўдыягід па гарадах Беларусі KrokApp

If you have found a spelling error, please, notify us by selecting that text and pressing Ctrl+Enter.

Leave a comment

Your email address will not be published. Required fields are marked *