Канвертар азбукі Морзэ


Сэрвіс Канвертар азбукі Морзэ дазваляе ператвараць друкаваны тэкст у код Морзэ і наадварот. Таксама сэрвіс дае магчымасць карыстальніку праслухоўваць атрыманыя вынікі анлайн: код Морзэ ці друкаваны тэкст у залежнасці ад мэты працы. Знешні інтэрфейс сэрвісу прадстаўлены на малюнку 1.

1 (1)

 

Малюнак 1 – Знешні інтэрфейс

Каб атрымаць код Морзэ, на ўваход сэрвісу неабходна падаць адвольны тэкст альбо паслядоўнасць сімвалаў. Пераклад тэксту ў код Морзэ можа ажыццяўляцца на адной з трох моў: беларускай, англійскай, рускай. У выпадаючым меню карыстальнік павінен выбраць патрэбную мову і націснуць кнопку “Канвертаваць” (малюнак 2).

2 (1)

Малюнак 2 – Выпадаючае меню для выбару мовы канвертавання

Каб пабачыць тэкставы пераклад з кода Морзэ на выбраную мову, альбо пабачыць атрыманы код (малюнак 3), трэба націснуць на поле “Show log information” (малюнак 4). У адваротным выпадку карыстальнік атрымае толькі згенерыраваны гукавы файл (пры перакладзе з тэкста ў код).

 

3 (1)

Малюнак 3 – Вынікі канвертавання азбукі Морзэ ў тэкст

4 (1)

Малюнак 4 – Вынікі канвертавання друкаванага тэкста ў азбуку Морзэ

Таксама карыстальнік можа праслухаць атрыманы гукавы файл кода Морзэ анлайн, альбо спампаваць яго на камп’ютар, націснуўшы  на “download the generated speech file”, як адлюстравана на малюнку 4.

Для праверкі правільнасці перакладу неабходна націснуць на кнопку ”Адкалібраваць”. Калі сэрвіс працуе спраўна, карыстальнік пабачыць паведамленне “Адкалібравана”. Пры немагчымасці перакласці той альбо іншы сімвал у код Морзэ, карыстальнік атрымае паведамленне з кодам гэтага сімвала (малюнак 5).

 

5 (1)

Малюнак 5 – Прыклад немагчымага перакладу сімвала

Для праверкі правільнасці канвертавання неабходна націснуць на кнопку “Адкалібраваць”. Калі сэрвіс працуе спраўна, карыстальнік пабачыць паведамленне “Адкалібравана” (малюнак 6), калі не – “Не адкалібравана” (малюнак 7).

6

Малюнак 6 – Прыклад карэктнай каліброўкі

7

Малюнак 7 – Прыклад памылкі каліброўкі

Такім чынам, сэрвіс “Канвертар Азбукі Морзэ” з’яўляецца ўнікальным рэсурсам канвертавання ўваходнага тэксту на трох розных мовах у код Морзэ і ў адваротным парадку. Сэрвіс знаходзіцца ў адкрытым доступе, што дае магчымасць выкарыстоўваць яго шырокаму колу карыстальнікаў у розных накірунках без усялякіх абмежаванняў.

Старонка сэрвісу:http://corpus.by/MorseCodeConverter/?lang=be

Калі Вы знайшлі ў тэксце памылку правапісу, калі ласка, выдзеліце гэты тэкст і націсніце Ctrl+Enter.